BASS 2026

O Programa BASS (Business Applications and Space Solutions) da Axencia Espacial Europea (ESA) é un programa opcional da ESA baixo a dirección da área de Comercialización, Industria e Competitividade. A convocatoria, aberta exclusivamente a empresas españolas, permitirá presentar propostas que opten a unha carta de autorización de financiamento (AoF) non nominativa da AEE, requisito para que a ESA permita a presentación das propostas ás diferentes liñas conforme as súas normas.

As actividades serán financiadas mediante a subscrición española a BASS do programa ACCESS na Ministerial de Bremen 2025, e por tanto suxeitas aos fondos dispoñibles en función do número de propostas aprobadas.

Tras a análise conxunta entre a AEE e a ESA das próximas convocatorias do programa BASS (Business Applications and Space Solutions), as actividades seleccionadas e orzamentos dispoñibles son:

Cando a ESA abra a licitación da actividade, dentro dos prazos indicados na táboa, calquera empresa que queira presentarse á convocatoria da ESA pode solicitar a Autorización de Financiamento non nominativa á AEE ao correo bass26@aee.gob.es, enviase ou non previamente a súa solicitude de interese á Delegación Española de BASS.

Dada a limitación de fondos de BASS, as convocatorias serán competitivas. É dicir, o comité de Avaliación de Licitacións (TEB) da ESA avaliará as propostas e clasificaraas segundo a súa puntuación. O TEB recomendará para a súa implementación só aqueles proxectos para os que haxa dispoñibilidade orzamentaria.

No caso das tipoloxías Proof of Concept, a subvención máxima por proxecto limitouse a 300.000 €, excepto no caso de Road and Safety Traffic que se limitou a 150.000 €.